هذه الابيات من الشعر الحلمتيشي السوداني نرجو لصاحبها طول العمر والعمل الصالح
حظي التعيس الهردبيس
الناس يرك فوقها الحمام
وانا فوقي قد برك الكديس
*******************
يوم انقشرت وقلت اكسح
بيت عرس يوم الخميس
طوالي فو تتفرتق الحفلة
وتموت ام العريس
*******************
حظي التعيس للترزي
امشي عشان اقيس
كل القماشات قاعدةface
الا قماشي يدخل عليهو وياكلو تيس
*******************
حظي الكعب
من زمن شافع صغير بلعب
اشيل النبلة اقلبا لب
وتسمع رب
ومن الجو يقع لي ضب
******************
حظي الدلم ما عندو دم
في الكبدة يطلع لي عضم
********************
حظي الحشر النحس جواي منتشر
في البسكويت القي القشر
كرعي جوه البنطلون ما بتنحشر
سنارتي في البحر الكبير تقبض جقر
********************
حظي الكعب حظي اللعين
سايقني واصل بي وين
الناس نضاف ومروقين
وانا بي هناك مليان سكن وعجاج وطين
*********************
الناس تكيس ماجدة رنده وماجدولين
وانا بي هناك قايدني ناس بت الحسين
*********************
حظي التعيس والدبرسة
اي واحدة اكيسا
يجي ود لزينة يعرسا
كل الود